|
whaletung
|
read my profile
sign my guestbook
Name: whaletung
Location: Hong Kong
Interests: sLeEpInG, ReAdInG, AnD sHoPpInG!! @^.^@aLsO, wInE tAsTiNg~ hOhOhO!!!!!!!EnJoYiNg LiFe!!!!
Expertise: Wanna be a full-time traveller~~ But... no $$At least, try best to travel twice every year~~
Occupation: Small potato
Industry: Logistics
Message: message me
Member Since:
3/15/2005
|
|
SubscriptionsSites I Read
|
|
|
|
| 終於! 農曆新年既團拜活動就到尾聲... 其實鯨魚都唔係好多活動, 因為唔多親戚喺香港, 但係都好似成日都她攰咁... 可能因為返過大陸嘅原固啦~
成個新年, 今朝久違地同左老豆媽子去稻香飲茶, 媱媱當然都有去. 飲完茶之後老豆媽子返屋企先, 鯨魚就陪媱媱喺新都行左陣, 到差唔多1點先同佢搭車出觀塘, 本來諗住同佢去元朗食個tea先再返tko, 點知原來佢圍村d人已經返左黎, 咁唔洗驚媱媱返到去會悶, 所以最後鯨魚都只係送到去碼頭巴士站, 等佢上左車就搭返93a返tko
um... 因為要等車, 所以其實鯨魚返到新都總站, 媱媱都差唔多到大纜隧道, 準備落車!! 返到屋企放低野, 就收到sms話已經落車, 去個洗手間出黎打返俾佢, 佢已經返到屋企樓下, 即係阿wing屋企... =.=b 洗唔洗咁快...
成個晏晝+夜晚, 就係hae既時間啦~~
截到今日, 2011年尾+農曆新年既gathering, 鯨魚已"順利"地重左最少5磅!!! >"< 又要開始努力減磅...
| | |
| 2011, 係一個有喜有悲, 有驚嚇亦有驚喜既一年! 不過要數2011十大事件(不分好壞)都係下面呢十件事 :
一. 老豆生病
超級驚嚇既一件事!! 到而家諗返都仲係好驚好心寒! 而家老豆一有D唔舒服就會好留意佢, 尤其而家咁Q凍既天氣, 佢一話有D唔舒服, 或者有D頭暈之類既, 鯨魚個心都會寒一寒。有時見老豆訓緊覺, 鯨魚會有DD神經質咁留意老豆… 係咪有呼吸… 雖然知道老豆年紀大, 有D野係遲早既事, 不過真係想對多佢10幾20年架…
二. 轉工
U GRAD之後既第一份工, 鯨魚都估唔到自己會做左差唔多4年!! 話轉工都話左好多年, 今年終於"的"得起個心肝去遞信啦~ 真係多得前super唔少~ 嗯… 真係要多謝佢, 唔係佢既"阿姐"態度&做野方式, 鯨魚真係唔知幾時先會捨得郁! 今次仲要係遞左信先搵工, last day個日都仲係interview緊, 好彩最後只係休息左2個禮拜就開工啦~~ 新公司, 都算係咁, 雖然個annaul package係少左, 不過差唔遠, 最重要係轉到工之餘, 公司行業由生產電器轉做零售化妝品, 希望呢行既出路會闊d啦~~
三. YAMAP concert, 4人NEWS
等左好耐! 終於見到P既生人!! 鯨魚係第一次排隊去買飛睇concert (之前個d都唔洗排隊/上網買, 不過哩張都係上網先買到, 因為排隊個d賣哂!!), 仲要係自己一個去睇!! 突然覺得自己好勇敢 :p 其實之後都一直好想係NEWS黎香港開con, 但係點知一路都冇消息, 連出single既消息都冇!! 不過最最估唔到既係, 冇消息先係好消息, 因為之後有關NEWS既消息竟然係yamap同ryo chan退團 !!!! T_T 有咩辦法唔晴天霹靂!!! 好唔開心! 唯一慶幸既係NEWS仍然係鯨魚喜愛既NEWS, 永遠support既4葉草!! (好想去日本睇con呀~~ >口<)
四. 日文N5合格
為左NEWS讀既日文, 平平安安咁pass左N5 (都真係幾低空飛過), 讀language真係好難, 諗過好多次想放棄, 不過為左NEWS, 下年N4繼續!!
五. 做左3次姊妹
人生唔知仲會唔會有下次… 2011年, 鯨魚做左3次姊妹! 阿盼(5月25日), 輝輝(11月20日)同yimyim (12月29日), 即使好攰, 但係為左班姊妹, 都要幫手既~ 就算攰都係攰得好開心、好甘心架~ ^3^ (雖然發生左d事, 但係鯨魚仍然相信姊妹們的!!)
六. 又少一個長輩--3姑丈
好似發生左好耐咁, 鯨魚睇返今年既dairy先發覺, 原來係2011年1月既事, 唉… d長輩走一個少一個, 而家盡可能o係d重要節日都會返鄉下見多d親戚, 唔想第時先後悔點解見得佢地咁少…
七. 去旅行--上海, 深圳
自畢業旅行--西藏之旅後, 鯨魚真係好耐冇去旅行喇!! 陪媽子去珠海鴨仔團一次… 雖然今次都係返大陸, 不過有搭飛機喎! 係"都算"幾遠既上海~ 5日4夜既上海+蘇杭之旅。之後… 都係返大陸既… 其實唔算旅行, 因為只係2日1夜既超hae渡假之旅, 不過係第一次同eva同momo"離開香港" :p 希望下次係衝出中國啦~ (唔知幾時可以衝出亞洲???)
八. 換新手提
用左部HD MINI都2年啦~ 話耐唔耐, 不過以而家出新款機既速度, 鯨魚忍到2年先換機都算係咁… (自己覺得) 轉左工, 搵到個藉口俾自己, 當係獎勵下自己都好, 終於試用一部ANDROID 既新機, 亦係鯨魚第一次買SAMSUNG機, 呢部, 最少兩年半, 因為簽左一份32個月既約… =.=
九. F1近距離
超難得既一次近距離接觸呀~~ 仲要係香港!! 雖然掂唔到部車, 不過佢喺鯨魚面前"飛"過!! 淨係聽到D聲已經超興奮!! 人生一定要去現場睇返一次F1比賽!! >W<
十. 第一次哈佬喂
其實哩個哈佬喂都去得幾突然, 因為TG有飛剩, rebecca又搵唔到人陪佢... 其實鯨魚一開始都係拒絕, 因為真係幾驚, 不過佢真係搵唔齊人, 冇人肯... 加上有kelvin去喎! 應該幾好玩既~ 所以最後都應承左去, 哈哈~~ 哩個決定真係冇錯, 因為如果係同其他人去既話, 鯨魚應該會幾驚, 有哩班fd去就會好熱鬧同大膽好多! 基本上成晚都冇乜真係好驚既時候, 係笑得最多!! :p
p.s. 成個新舊曆既新年假期都係hae住咁過, 加上哩個year end超凍, hae到今時今日先打哩個2011 review... ^^" 第1-9點仲要係CNY假期結束, 1月27號第一日龍年返工, 鯨魚成個下晝唔想做野既時候喺公司打定既... ^+++^
希望2012會係一個好年!!!
| | |
| 今日同左momo去車公, 本來eva都黎, 可惜佢唔舒服, 要去睇醫生, 今年join唔到我地lu...
大約1點半出門, 去到車公先去上個香打個招呼, 之後再求簽, 最後就梗係去解簽啦~
又係搵阿葉師傅, 等左成個鐘有多先到我地, 鯨魚今年都係問家宅、姻緣同事業, 好巧合地, 鯨魚3支加momo4支簽都係中簽, 平平穩穩咁啦~ 師傅叫鯨魚今年唔好讀書住, 因為工作可能有突破(唔係轉工, 唔應該轉喎...), 而家鯨魚十五十六呀... 其實係有d心思思係想報下個master讀... 點好呢...
因為我地都係遲去, 所以解完簽行左陣廟前面個market一陣已經就黎6點啦~ 所以我地決定去返近d tko既地方dinner.
出返觀塘, 去左好耐冇食既---
 
大盛!
嗯... 好多野都貴左, 不過d野食都算keep到ok既水平, 最後埋單, 都唔貴, 每人唔洗1舊
食完見早就行左陣apm, 但係今日都行左唔少路, 我地都幾攰下, 其實唔係咁有目標咁行, 最後我地都冇收穫, 9點幾就返左屋企啦~ 鯨魚返到屋企都係hae到1點幾先訓... 唉...
| | |
| 新春龍年第一個開工日, 開工大吉!!!
今朝... 比想像中容易起身, 可能因為尋晚有心理準備要早起, 同埋今日暖左d, 不過返到公司, 仍然係冇乜mood做野, 不過都要照抹枱開電腦 (開工嘛!), 一朝早忙完d daily 野 (delivery同update) 都差唔多lunch, 初初諗住開年同同事去飲茶, 不過而家仲係新春期間, 有d驚飲茶會好貴, 所以冇提出到, 最後同同事去樓上cafe食印度咖哩! 都ok好食呀!
下晝返去開工, 真係更加冇心機喇... :p 正經地做左一陣野, 就開始打自己既2011大事回顧, 打打下... 都差唔多5點!! (真係打左好耐) hae多陣去下洗手間就5點半準備閃人啦~
5點9就走, 返到坑口站等toby, 哈哈~~ 因為佢有個親戚住鯨魚樓上! 同一棟樓喎! 不過鯨魚今晚約左班姊妹去東港食飯+團拜, 所以佢探完親戚之後去左坑口站(閘內)同鯨魚(閘外)傾左陣... 本來諗住傾一陣, 點知又係一傾傾到唔停, 傾左大半個鐘先走人.
去到東港間馬泰, 阿盼&##兩pair已經到左, 一陣之後faifai同阿卓都到, 等左陣先有位, 坐低之後又係例牌既又傾又食~  食到差唔多9點半就散水, 因為我地(阿卓阿飛走先)之後要去wincy度...
終於!!!! 終於都見到熙熙bb啦~~
  
雖然bb仍然好細小, 但係見佢都好精靈! 成日眼仔碌碌咁 (第時應該都係八卦仔一枚!)  希望熙熙bb快高長大, 身體健健康康! 姨姨好想快d抱下你呀~~ >口<
| | |
| 今晚同左表姐carol上山頂dinner, 去左佢推介既bubba gump, 因為佢要返part time既關係, 我地差唔多8點半先o係金鐘搭15號巴士上去, 上到去就黎9點, 等左一陣就有位(因為有book), 哩度d野食既款真係同dan ryan同ruby tuesday差唔多, 係多d蝦既食, 價錢貴少少, 但係都好好食~ 可惜表姐唔食牛, 所以試唔到佢個ribs, 不過可以再黎~
間野好似主打蝦, 而事實我地今晚都食左唔少...
餐廳門口好得意, 特登整左個位俾人影相, 影既人仲可以插對腳去對鞋度添! (唔洗除鞋, 因為佢對鞋超大!)
我地本來book左window seat, 不過佢地安排既位睇唔到d咩景, 所以最後都要求去左booth seat, 坐得仲舒服d添!!
我地兩個人叫左3碟野, 1碟salad一碟魚(上面好多cheese!)同埋一碟燒蝦配辣肉腸, 當然仲有兩杯ice tea without ice~ :p
走個時先記得影返張山頂景既相~ 不過反哂光, 好辛苦先睇到個維港景... 一一"
今晚傾得好開心呀~~ 我地坐到人地last order, 差唔多12先捨得埋單走人~
落到中環都12點幾, 不過因為食到好飽, 所以我地o係附近行左個圈, 冇上老蘭, 因為未上去已經見到勁多人, 唔想同人逼囉... 我地行左15-20mins就閃啦~ 返到屋企好似過左點半... :p
| | |
|
|
